दहिसर चेक नाक्यावर ‘अॅक्शन मोड’! आमदार आणि नगरसेवकांकडून टोल नाक्यावरील समस्यांची दखल.
प्रतिनिधि, मुंबई: मुंबईचे मुख्य प्रवेशद्वार आणि उत्तर मुंबईतील सर्वात महत्त्वाचा भाग समजल्या जाणाऱ्या दहिसर चेक नाक्याची आज आमदार मनिषाताई चौधरी आणि नवनिर्वाचित नगरसेवक प्रकाश दरेकर यांच्या नेतृत्वाखाली अचानक पाहणी करण्यात आली. टोल नाक्यावर प्रवाशांना होणारा त्रास आणि अपुऱ्या सुविधांच्या पार्श्वभूमीवर ही भेट अत्यंत महत्त्वाची मानली जात आहे.
दहिसर चेक नाक्यावर टोल भरताना वाहनांच्या लांबच लांब रांगा लागणे, फास्टॅग (FASTag) स्कॅनिंगमध्ये येणाऱ्या तांत्रिक अडचणी आणि कर्मचाऱ्यांची वागणूक याबाबत अनेक तक्रारी येत होत्या. या पाहणी दरम्यान लोकप्रतिनिधींनी स्वतः टोल बुथवर जाऊन प्रक्रियेची पाहणी केली. तसेच, प्रवाशांशी संवाद साधून त्यांना दररोज प्रवास करताना कोणत्या त्रासाला सामोरे जावे लागते, हे प्रत्यक्ष जाणून घेतले.
चेक नाक्यावर पिण्याचे पाणी, स्वच्छतागृहे आणि आपत्कालीन प्रथमोपचार सुविधांची काय स्थिती आहे, याचाही आढावा यावेळी घेण्यात आला. टोल प्रशासनाने प्रवाशांच्या वेळेची बचत होईल अशा पद्धतीने नियोजन करावे आणि वाहतूक कोंडी टाळण्यासाठी अतिरिक्त मनुष्यबळ तैनात करावे, अशा सूचना यावेळी देण्यात आल्या.
या पाहणी दौऱ्यात आमदार मनिषाताई चौधरी, गटनेते श्री. गणेश खणकर जी आणि प्रभाग ३ चे नवनिर्वाचित नगरसेवक श्री. प्रकाश दरेकर जी यांच्यासह स्थानिक पदाधिकारी आणि कार्यकर्ते मोठ्या संख्येने उपस्थित होते.
“दहिसर चेक नाका हे मुंबईचे प्रवेशद्वार आहे, तिथे प्रवाशांना मिळणारी वागणूक आणि सुविधा उत्तम असणे गरजेचे आहे. टोलच्या नावाखाली नागरिकांचा वेळ वाया जाता कामा नये. आम्ही आज सर्व समस्या जाणून घेतल्या असून त्यावर त्वरित तोडगा काढण्यासाठी संबंधित विभागाशी पाठपुरावा करू.
